Gəncə şəhəri Məhsəti Gəncəvi Mərkəzində BAŞLA Talk-un növbəti görüşü baş tutub.
Bu dəfəki görüş “ASAN Könüllüləri” Təşkilatı və Gəncə “ASAN Xidmət” mərkəzinin təşkilatçılığı, Mərkəzi Klinika Gəncə Xəstəxanasının əməkdaşlığı ilə keçirilib.
Görüşdə Azərbaycan Tibb Universiteti, Avstriyanın Vyana Tibb Universiteti, Amerikanın Ohayo ştatının Klivlend Klinikasında ürək-damar cərrahiyyəsi üzrə təhsil almış, Mərkəzi Klinika Gəncə Xəstəxanasında Ürək-Damar Mərkəzinin rəhbəri ürək və damar cərrahı Dr. Vüqar Qapaqov könüllülərin qonağı olub. O, “Fərdi brendinq” mövzusunda ASAN könüllüləri ilə qarşısında çıxış edib.
Görüş interaktiv şəkildə baş tutduğu üçün könüllülərin sualları dinlənilib və qarşılıqlı müzakirələr aparılıb.
Qeyd edək ki, BAŞLA Talk-un əsas məqsədi start-up, biznes və digər sahələr üzrə uğur qazanmış şəxslərin könüllülər ilə təcrübələrinin bölüşməsidir.
