Azərbaycanın beynəlxalq səviyyədə tanınmış ərazilərinin işğal olunması, mülki əhalinin qətlə yetirilməsi, işğalçı dövlətin torpaqlarımızda etnik təmizləmə, ekoloji terror, qeyri-qanuni məskunlaşma və qanunsuz iqtisadi fəaliyyətlər aparmasına qarşı 30 il səssiz qalan Fransa Senatının son qərəzli mövqeyi bu ölkənin faşizm ideologiyasından qidalanan Ermənistana dəstəyinin növbəti nümayişi oldu.
ARB 24 TV-nin “Gündəm” verilişinin qonağı olan Milli Məclisin deputatı Naqif Həmzəyev Fransa Senatında qəbul edilmiş “Dağlıq Qarabağ Respublikasının tanınması zərurəti” adlı qətnamənin qərəzli yanaşmasından danışıb, Milli Məclisdə bədnam qətnaməyə münasibətlə bağlı ətraflı müzakirənin keçirildiyini qeyd edib.
Fransa hökuməti və senatorlar daxili problemləri xaricdə baş verən problemlər fonunda gizlətmək, seçki öncəsi müəyyən xal qazanmaq istəyirlər- deyə millət vəkili vurğulayıb.