2016-cı ilin Aprel döyüşləri zamanı da Azərbaycanın mülki vətəndaşlarının yaşadığı ərazilərdə çox böyük ziyanlar var idi. Yenə də dövlətimizin qayğısı, dəstəyi ilə bu dəymiş ziyanlar aradan qaldırıldı. Ən qısa müddətdə bizim vətəndaşlar öz yaşadığı evlərə köçürüldülər.
Bunu ARB televiziyasına müsahibəsində Milli Məclisin deputatı Naqif Həmzəyev bildirib. Milət vəkili qeyd edib ki, ölkə Prezidentinin Ermənistan silahlı bölmələrinin təxribatı nəticəsində Tovuzun cəbhə xəttində yerləşən kəndlərinə və mülki əhaliyə dəyən zərər aradan qaldırılması ilə bağlı imzaladığı sərəncam bir daha onu göstərir ki, dövlətimiz hər bir vətəndaşının yanındadır.
Qeyd edək ki, ilkin hesablamalara görə, düşmənin ağır artilleriya silahlarından açdığı atəş zamanı Tovuzun 6 kəndində 35 fərdi ev dağılıb.