YAP Gəncə şəhər təşkilatının Azərbaycan xalqınının Ümummilli Lideri, Ulu Öndər Heydər Əliyevin 100 illik yubileyi çərçivəsində keçirdiyi silsilə tədbirlər davam edir.
Gəncə Dövlət Universitetində keçirilən tədbir Ulu Öndər Heydər Əliyevin və Azərbaycanın müstəqilliyi və ərazi bütövlüyü uğrunda canlarından keçən şəhidlərimizin əziz xatirəsinin bir dəqiqəlik sükutla yad edilməsi ilə başlayıb.
Tədbirdə Ulu Öndərin adı ilə bağlı olan Yeni Azərbaycan Partiyasının VII Qurultayında Prezident cənab İlham Əliyev tərəfindən Azərbaycan gənclərinin qarşısına qoyulmuş tapşırıq və hədəflərdən söhbət açılıb, bildirilib ki, Azərbaycan gənclərinin bilikli, dünyagörüşlü, müasir yeniliklərə bələd, o cümlədən öz milli-mənəvi dəyərlərimizə bağlı, vətənpərvər ruhda yetişməsi dövlət siyasətinin əsas istiqamətlərindən biridir.
Diskussiya xarakterli tədbirdə YAP Gəncə şəhər təşkilatının əməkdaşları Yüksəl Məmmədov, Kamran Abbasov, GDU-nun Tələbə-Gənclər Təşkilatının sədri Fuad Dadaşov, partiya fəalı Tural İsaqov gənclərin təkliflərini dinləyib və suallarını cavablandırıblar.
Sonda tələbələrə YAP Gəncə şəhər təşkilatının “Təcrübə proqramı”ndan yararlanmaq tövsiyə edilib.
