Gəncə Dövlət Universitetinin 2021-2022-ci tədris ili üzrə qəbul planında I ixtisas qrupu üzrə 61 yer boş qalıb.
AZƏRTAC xəbər verir ki, bu barədə məlumat “Abituriyent” jurnalının 7-ci nömrəsində dərc olunub.
Gəncə Dövlət Universitetində fizika, riyaziyyat, informatika müəllimliyi və kompüter elmləri üzrə ödənişli əsaslarla təhsil almaq istəyənlər boş qalan plan yerlərinə internet vasitəsilə ixtisas seçimi edə bilərlər. Təhsil əyani formadadır.
Xatırladaq ki, ali təhsil müəssisələrinin boş qalan plan yerlərinə ixtisas seçimi internet vasitəsilə sentyabrın 10-dək aparılacaq.