Hərbi xidmətdə olarkən sentyabr ayında başlayan Vətən müharibəsinə qatılan Kənan Musayev qazilik mərtəbəsinə yüksələ bilib. Müharibə zamanı öz həyatını qurban verib əsgər yoldaşını xilas edən Kənanın döyüş yolunu izləyəcəksiz. Ürəyində qəlpə gəzdirən qazimizi tanımaq və tanıtmaq hər birimizin borcumuzdur.
Tarix yazan hərbçilərimizdən biri kimi Kənan sinəsini düşmən gülləsinə sipər edərək qəhrəmancasına vuruşub, əsgər yoldaşını qardaş bilib özünü qabağa verib. Birinci Qarabağ savaşında iştirak edən əmisini örnək götürən qazimiz uşaq vaxtlarından hərb sahəsinə maraqlı olub ki, müharibə zamanı da könüllü sürətdə ön xəttə yazılıb.
Ali Baş Komandanın hərbçilərimizə xüsusi diqqət və qayğısını hiss edən qazimiz ölkə Prezidentinin sərəncamı ilə “Cəsur döyüşçü” medalı ilə təltif edilib.
Oğlundan fəxrlə danışan qazimizin atası digər oğlunu da hərbi xidmətə yola salıb və Vətən üçün övladlarının canından keçməsi belə onun üçün fəxr olduğunu bildirib.
Nə qədər ki igid, cəsur Ordumuz, Vətəni üçün canından keçməyə hazır olan hərbçilərimiz var, bu Vətən dara düşməz.
